Борис Џонсон меѓу казнетите за забавите на Даунинг стрит за време на локдаунот

Од:

Заврши истрагата за забавите во период на строг „локдаун“ поради Ковид-19, одржани во Даунинг стрит, 126 лица се казнети, соопшти денеска британската полиција, јавија тамошни медиуми.

Премиерот Борис Џонсон и министерот за финансии Риши Сунак се казнети поради собир во канцеларија во јуни 2020 година. Тогаш, Џонсон славел 56-ти роденден, во време кога собири беа забранети.

Откако се дозна за забавата, опозиционери, но и политичари од Конзервативната партија, од Џонсон побараа оставка.

„Истрагата беше темелна и целосна, завршена е најбрзо што можевме, со оглед на количеството информации што мораше да се обработи и важноста да обезбедиме силни докази за секоја напишана казна. Истрагата сега е завршена“, наведуваат од лондонската полиција.

Казните биле во врска со осум датуми, кога се организирале разни собири во Даунинг стрит и во владини канцеларии, меѓу мај 2020 и април 2021 година. Тој период, на сила беа антиковид мерки.

Меѓу казнетите се 53 машки и 73 женски лица, некои од нив добиле повеќе од една казна.

Засега, нема никаков одговор од Даунинг стрит.

Извор: МИА

Би можело да ве интересира

Џонсон: Се плашам дека Украина ќе биде принудена да склучи лош мир

Џонсон се враќа на должностите по операцијата на синуси

А1он

Средба Зеленски – Џонсон во Киев

А1он

Џонсон смета дека не е време да се зборува за референдум за независност за Шкотска

А1он

Борис Џонсон е „згрозен“ од смртната пресуда на двајцата Британци во Украина

А1он

Џонсон: Да се ​​принуди Украина на „лош“ компромис со Русија би било „одвратно“

А1он