Борел се извини што ги критикуваше младите активисти

Од:

Шефот на европската дипломатија Жозеп Борел денеска се извини откако предизвика полемика со неодамнешната изјава за „Грета синдром“, осврнувајќи се на младите кои протестираат низ целиот свет, барајќи од владите да преземат конкретни чекори за борба против климатските промени.

„Се извинувам на сите оние кои се почувствуваа навредени од мојата несоодветна изјава за важноста на движењето на младите што се бори против климатските промени“, напиша Борел на Твитер.

Во средата, говорејќи во Европскиот парламент, Борел изрази сомнеж во сериозноста на ангажманот на младите, предводени од шведската активистка Грета Турнберг за климатските промени. Тој рече дека младите луѓе не биле свесни за цената на мерките, неопходни за да се спречи глобалното затоплување.

Спомнувајќи „Грета синдром“, Борел рече дека е „убаво да се протестира против климатските промени сè додека не се постави прашањето колку сето тоа чини“.

– Би сакал да знам дали овие млади луѓе се свесни колку чинат ваквите мерки, рече тогаш Борел.

Потоа, група пратеници од еколошката партија Зелени објави делови од говорот на Борел, со оценка дека таквите коментари не се прифатливи од претставник на Европската унија.

Би можело да ве интересира

Комитетот за надворешни работи на ЕП ќе расправа за Извештајот за земјава

Ана Ололовска

Марк Ангал е нов потпретседател на ЕП на местото на Ева Каили

А1он

Запленети околу 1,5 милиони евра во истрагата за корупција во Европарламентот

А1он

ЕП ја разреши потпретседателката Каили

А1он

Европскиот парламент почна процедура за смена на Каили која е уапсена поради корупција

Ана Ололовска

ЕП и ЕУ усвоија „Механизам за прилагодување на границите на јаглеродот“

Ана Ололовска