Борел оптимист за преговорите за иранската нуклеарна програма

Од:

Шефот на дипломатијата на ЕУ, Жосеп Борел денеска изрази надеж дека европските и иранските дипломати наскоро ќе се сретнат за да се обидат да ги заживеат нуклеарните преговори, но одби да ги потврди извештаите дека состанокот ќе се одржи в четврток во Брисел.

Претходно, „Блумберг њуз“, повикувајќи се на изјава на ирански пратеник, информира дека иранскиот министер за надворешни работи вчера рекол оти состанокот ќе се одржи овој четврток.

– Никогаш не се знае, а денес сум пооптимистичен од вчера. Сè уште нема потврда, но работите се подобруваат и се надевам дека во наредните денови ќе имаме подготвителни состаноци во Брисел, рече Борел во Луксембург, каде ќе учествува на состанокот на министрите за надворешни работи на ЕУ.

Преговарачот на ЕУ задолжен за иранската нуклеарна програма Енрике Мора минатиот четврток беше во Техеран за да се сретне со членовите на иранскиот преговарачки тим, четири месеци откако беа прекинати разговорите меѓу Иран и светските сили.

Би можело да ве интересира

Став на Брисел: Европејците нема да гинат за Донбас

Борел: Лидерите на ЕУ ќе повикаат на постигнување одржлив прекин на огнот во Газа

Горан Наумовски

Борел: Згрозен сум од масакрот на цивилите кои чекаа храна на северот на Газа

Горан Наумовски

Борел: ЕУ ќе предложи санкции против одговорните за смртта на Навални

Горан Наумовски

Борел во засолниште поради руските напади на Киев

Борел: Блискиот Исток е котел што може да експлодира во секој момент