Борел го повика Путин да не ги признае Доњецк и Луганск

Од:

Шефот на ЕУ дипломатијата Жосеп Борел упати повик до рускиот претседател Владимир Путин да не ги признае таканаречените републики Доњецк и Луганска, јави дописничката на МИА од Брисел.

dobivaj vesti na viber

Борел ова го изјави по завршувањето на Советот на министри за надворешни работи на ЕУ, што се одржа денеска во Брисел и во најголем дел беше посветен на руско-украинскиот конфликт.

-За време на состанок го следевме рускиот Совет за Безбедност со голема загриженост, разбираме дека конечната одлука сѐ уште не е донесена и го повикуваме Путин да го почитува меѓународното право и Договорот од Минск и да не ги признае Доњецк и Луганска. Во случај да одлучи да го стори тоа ќе реагираме во силен и обединет фронт, рече Борел алудирајќи на санкции против Русија.

ЕУ предупреди дека во случај на руски напад санкциите ќе се применат и против Белорусија поради инволвираност на оваа земја во руската воена политика.

ЕУ оценува дека Белорусија се однесува како сателит на Русија и делува нетранспарентно.

-На Русија и нејзините лидери е да одлучат како сакаат да ги гледа меѓународната заедница и историјата, рече Борел.

На денешниот министерски совет на ЕУ учествуваше и украинскиот министер за надворешни работи, Дмитро Кулеба.

Извор: МИА

Би можело да ве интересира

Кремљ: Путин му рекол на Шолц дека пристапот на Западот кон Украина е „деструктивен“

А1он

Кремљ: Путин е отворен за разговори за можно решение во Украина

А1он

Бајден „подготвен на средба со Путин“ ако со тоа се стави крај на војната во Украина

Ана Ололовска

Макрон: Путин направи голема грешка кога ја започна војната во Украина

Ана Ололовска

Борел: Русија треба да ја финансира обновата на Украина

А1он

Путин предложи: Нова унија со Казахстан и Узбекистан?

А1он