Борел: ЕУ ќе соработува со талибанците под строги услови, што не значи признавање

Од:

ЕУ ќе соработува со талибанците под строги услови, но тоа не значи дека блокот ја признава новата авганистанска влада, изјави високиот претставник на ЕУ за надворешна политика, Жосеп Борел.

„За да го поддржиме авганистанското население, ќе мора да се поврземе со новата влада во Авганистан, што не значи признавање. Тоа е оперативен ангажман”, рече Борел на прес-конференција на Блед.

Тој додаде дека овој ангажман ќе се интензивира во зависност од однесувањето на владата во Кабул, односно од фактот дека Авганистан нема да служи како „база за извоз на тероризам во други земји“ и дека ќе ги почитува човековите права, владеењето на правото и медиумите.

Според него, Авганистан, исто така, ќе мора да формира инклузивна, репрезентативна транзициска влада, да обезбеди слободен пристап до хуманитарната помош и да дозволи странски државјани и Авганистанци да ја напуштат земјата.

Борел нагласи дека ЕУ има за цел да ги координира своите контакти со талибанците преку заедничко присуство на ЕУ во Кабул за да ги следи евакуациите и да се осигура дека новата авганистанска влада ќе ги исполни обврските како што се безбедноста и човековите права.

„Одлучивме да работиме координирано, да ги координираме нашите контакти со талибанците, вклучително и преку заедничко присуство на Европската унија во Кабул, доколку се исполнети безбедносните услови“, рече Борел.

Тој додаде дека ЕУ ќе се обиде и да го координира ангажманот со партнерите во регионот, во области како што се миграциските текови и организираниот криминал.

Би можело да ве интересира

Меркел вети дека ќе продолжи поддршката од ЕУ за Турција

Ана Ололовска

Борел ги повика Вучиќ и Курти во Брисел на нова рунда преговори

Блинкен – Борел: Потребно е да продолжи пристапниот процес со Македонија и Албанија

А1он

Ескобар: Дијалогот Белград – Приштина го води ЕУ со поддршка на САД

А1он

Ескобар: Американската политика кон Западен Балкан со еден збор е евроинтеграција

А1он

Стано: Реакцијата на Борел за Косово се однесува на поширокиот контекст, не на полициската операција

Катерина Павлова-Николовска