Седум автобуси со украински борци кои со недели се бореа со руските сили во фабриката за челик Азовстал пристигнале денеска во поранешна казнена колонија во градот Оленивка во близина на Доњецк, изјавил сведок за Ројтерс.
Според сведокот, војниците, кои биле придружувани од проруски сили, не делувале како ранети.
Surrendered Ukrainian fighters leave Azovstal steel works https://t.co/FvKC7UOOmT pic.twitter.com/wwSPDpovDx
— Reuters (@Reuters) May 17, 2022
Над 260 војници го напуштија Азовстал. Како што соопшти претходно украинската влада, во тек е следната фаза на евакуација на преостанатите луѓе од областа Азовстал.
Руската новинска агенција ТАСС наведува дека рускиот истражен комитет планира да испрашува војници, од кои многумина членови на баталјонот Азов, како дел од истрагата за, како што вели Москва, „злосторства на украинскиот режим“.