„Боинг“ во 2019 година: Најмалку порачки во изминатите две децении

Од:

Американскиот производител на авиони „Боинг“ објави дека во 2019 година примил најмал број нарачки во изминатите две децении, како резултат на кризата предизвикана од приземјувањето на авионите 737 Макс по две тешки несреќи.

Боинг објави дека минатата година примиле нето нарачки за само 54 авиони, споредено со 893 во 2018 година, јави Би-Би-Си.

Сепак, тие испорачале 380 авиони, 53 отсто помалку од една година порано, и најмалку од 2007 година.

Тоа значи дека американската компанија ја изгуби титулата најголем светски производител на авиони, престигната од европскиот конкурент „Ербас“, со рекордни 863 авиони испорачани во 2019 година, или 768 нето, откако ќе се пресметаат откажаните нарачки.

Авионите „Боинг 737 Макс“ беа приземјени во март 2019 година по две несреќи во кои загинаа вкупно 346 лица.

Би можело да ве интересира

„Боинг“ тврди дека поправил грешки во софтверот за моделот 737 Макс

Ана Ололовска

Поднесена првата тужба против „Боинг“ по падот на авионот на „Етиопиан ерлајнс“

Ана Ололовска