Боинг исплаќа отштета за жртвите од несреќите

Од:

Боинг ќе почне со исплаќање на 50 милиони американски долари финансиска помош на семејствата на повеќе од 340 жртви од две авионски несреќи на Боинг 737 Макс, објави компанијата.

Боинг ќе инвестира уште 50 милиони долари во образование и економска поддршка за заедниците на жртвите.

На секое семејство од 346-те загинати на летовите 610 на Лион Ер и 302 на Етиопија ерлајнс, Боинг ќе исплати до 144.500 долари.

Жртвите на двете катастрофи се од 35 држави, вклучително и девет државјани на САД и 19 Канаѓани. Сепак, сите семејства не одговорија позитивно.

Претставник на десетина семејства, чии членови загинаа во авионска несреќа во Етиопија, за Си-Ен-Ен изјави дека компензацијата на Боинг е „несоодветна и нејасно формулирана“.

Боинг претходно соопшти дека семејствата кои прифаќаат финансиска помош нема да мора да се откажат од своето право да поднесат тужба против Боинг.

Би можело да ве интересира

Ахмед: Воениот пекол ја зацврсти мојата желба за мир

Американските авиокомпании ги заменуваат старите Боинг со нови Ербас авиони

НАТО и „Боинг“ потпишаа спогодба од една милијарда долари

Боинг инвестира милијарда долари во безбедноста на патничките летови

Боинг приземји повеќе од 50 авиони низ светот

Индонезискиот авион во 2018. се урнал поради низа проблеми, Боинг најави мерки

Ана Ололовска