BMW планира пуштањето на родстер со преден погон, кој ќе го носи името Z2.
„Сериозно разгледуваме можноста за создавање на автомобил во духот на оригиналниот Z3“, истакнуваат од баварскиот гигант.
Димензии ќе бидат околу 4.000 милиметри должина, 1.700 ширина и 1250 милиметри висина.
Моделот ќе биде опремен со мек покрив кој ќе се вади и спушта рачно. Највисоката модификација на идното Z2 ќе биде со 2.0 литарски турбо мотор со моќност од над 300 КЅ и со погон на сите четири тркала. Овој модел ќе се развива од M Performance.
Се очекува BMW Z2 да се позиционира на пазарот како алтернатива на Mazda MX-5 од следната генерација. Моделот на баварците ќе се појави во 2015 година.