Блумберг: ЕУ разгледува план за задолжување заради финансирање на одбраната и купување енергенси

Од:

Европската унија неделава би можела да го претстави планот за издавање заеднички обврзници, чиј износ би можел да биде огромен и би се искористил за финансирање на трошоците во енергетскиот и одбранбениот сектор, јави демнеска Блумберг.

-Предлогот би можел да биде претставен по вонредниот самит на ЕУ, што во четврток почнува во Версај, изјавија официјални лица запознаени со подготовките.

Според планот, Европската комисија ќе издава обврзници и ќе ги канализира парите до земјите-членки преку поволни заеми за да ги финансира трошоците во наведените области, изјавија официјалните лица, кои сакаа да останат анонимни, бидејќи плановите сè уште не се објавени во јавноста.

Оттаму додаваат дека надлежните се уште ги разработуваат деталите за продажбата на обврзниците и висината на долгот.

-Треба да најдеме нови алатки за да ги решиме новите прашања што ни ги поставува оваа криза, им рече синоќа еврокомесарот за економија Паоло Џентилони на европратениците во Стразбур.

Тој додаде дека е на мислење дека лидерите на ЕУ на претстојниот самит во Версај ќе дадат политички насоки за натамошните чекори на Унијата.

Портпаролот на ЕК одби да ги коментира деталите, изјавувајќи само дека официјалните лица продолжуваат да ја следат ситуацијата и се подготвени да одговорат на променливите околности, наведува Блумберг.

Извор: МИА

Би можело да ве интересира

Ахмети: Александар Дугин, главата на руските политики има партија во Македонија

Нови промени за сообраќајните казни во ЕУ: Никој веќе нема да може да ги избегне

ЕУ постигна привремена спогодба за нови правила за трговија со огнено оружје

СДСМ: ЕУ е единствен патоказ за подобра македонска иднина

А1он

Европската Комисија ќе обезбеди општи рамковни услови за почеток на преговорите со Украина за пристапување во ЕУ

ЕУ за А1он: Измените на Законот за игри на среќа не упатуваат ниту на ограниченото европското законодавство

Александар Тодески