Бискупот од Келн, кардинал Рајнер Марија Воелки, соопшти дека му понудил оставка на папата за време на паузата од неговите должности, на која замина по критиките за тоа како се справил со прашањето поврзано со сексуалното малтретирање малолетници, но папата допрва треба да одлучи за неговата понуда.
Воелки направи пауза од своите должности како поглавар на најголемата епархија во најбогатата католичка црква во светот во септември по скандалот околу неуспехот на хиерархијата да се справи со злоупотребата извршена од свештениците.
„Мојата служба и функција како архиепископ во Ке лн ги ставив на располагање на Светиот Отец, за да може слободно да одлучи што најдобро и служи на црквата во Келн“, напиша тој во писмото до својот собор.
Во ноември минатата година, Воелки на затворена служба во катедралата ги призна пропустите на црквата во големиот скандал со сексуална злоупотреба.
„Голем број злосторства поврзани со сексуална злоупотреба беа извршени во црковните одаи од страна на свештеници и други членови на персоналот“, рече тогаш бискупот Ролф Штајнхајзер на службата за покајание во катедралата во Келн.
Штајнхаузер дојде на местото на Воелки, кој зеде една година одмор по контроверзите околу одлуката да не се објави извештај за скандалот.
Извор: МИА