Големите градови во Казахстан, Узбекистан, како и во Киргистан, денеска се соочија со прекин на електричната енергија, информираа властите и граѓаните.
Исклучен беше главниот далековод во Казахстан, а мрежите на трите земји се поврзани. Преку Казахстан се поврзани со руската електрична мрежа, која може да ја користат при неочекувани проблеми.
Според мрежниот оператор КЕГОЦ, казахстанскиот далековод Север-Југ, што ги поврзува трите држави со руската мрежа, е исклучен утрово поради итни причини.
Извор: МИА