Поранешниот италијански премиер Силвио Берлускони паднал во паркот во неговата вила на Сардинија и си го изместил рамото и зглобот на раката, соопшти денеска неговата партија.
На интернет-страниците на локалните весници се прошири веста дека италијанскиот магнат паднал додека шетал низ паркот на неговата вила, но не скршил ниту една коска. За повредата веднаш се погрижил неговиот физиотерапевт, истиот од фудбалскиот клуб Милан, кој во моментот се наоѓал во вилата.