Берлускони излезе од болница: Го преживеав најопасниот животен предизвик

Од:

Поранешниот италијански премиер Силвио Берлускони денеска ја напушти болницата откако закрепна од Ковид-19, велејќи дека го преживеал „најопасниот предизвик“ во животот.

– Со задоволство си реков – повторно се извлече, им рече насмеаниот Берлускони на новинарите пред вратата на болницата „Сан Рафаел“во Милано, каде што беше примен на 3 септември откако му беше дијагностициран Ковид-19.

Неговиот личен лекар, Алберто Зангрило, минатата недела изјави дека 83-годишниот медиумски тајкун развил пневмонија и се сметал за пациент со висок ризик поради неговата возраст и постоечката медицинска состојба, која вклучува проблеми со срцето.

Зангрило рече дека Берлускони ќе умрел ако се соочел со истите симптоми во март и април, но лекарите научија многу од првичната појава на коронавирусот и сега се подобро опремени за борба против болеста.

Се верува дека Берлускони се заразил додека бил на одмор во својата вила на Сардинија.

– Секој од нас е изложен на ризик да зарази други. Го повторувам мојот повик за максимална одговорност од сите, рече Берлускони.

Би можело да ве интересира

Италијанската полиција уапси 55 мафијаши

Навивачи на „Брајтон“ се повредени и ограбени во Рим

Силен земјотрес во Италија

Смог го покри Милано, воведени се ограничувања: „Излезете што помалку“

(ВИДЕО) Најмалку тројца загинаа во несреќен случај во Фиренца

Горан Наумовски

Во Италија: Тинејџерка отиде на прошетка и не се врати, пронајдена е мртва во планина