Министрите за надворешни работи на Европа се согласни дека на Украина и се потребни долгорочни безбедносни гаранции и за ова прашање ќе се разговара денеска на состанокот во Берлин, изјави германската министерка за надворешни работи Аналена Бербок пред средбата.
„Сите се согласуваме дека на Украина и се потребни строги безбедносни гаранции“, рече Бурбок, пренесе Ројтерс.
Според Бербок, тоа вклучува долгорочна воена и финансиска поддршка за Украина.
Бербок денеска ќе биде домаќин на министри од Полска, Франција, Шпанија, Италија и Велика Британија, како и шефот за надворешна политика на Европската унија и министерот за надворешни работи на Украина, на конференција фокусирана на поддршката за Киев, како и за случувањата во Сирија.