Бенет: Додека сум јас премиер нема да има анексија, ниту палестинска држава

Од:

Премиерот на Израел, Нафтали Бенет пред средбата со американскиот претседател Џо Бајден во Вашингтон, изјави дека тој нема да го анектира Западен Брег, ниту ќе дозволи палестинска држава.

Тој во интевју за Њујорк тајмс истакна дека составот на неговата коалициска Влада од левичарски и десничарски партии укажува дека на дневен ред не се драстични чекори во ниту еден правец.

– Јас сум премиер на сите Израелци и тоа што го правам сега е изнаоѓање на средина, како да се фокусираме на тоа за што служиме, посочи Бенет.

Израелскиот премиер ќе се сретне со Бајден во моменти на тензии со Иран и со обновеното насилство на израелската јужна граница со Појасот Газа.

Тоа е прва посета на Бенет откако во јуни беше избран за премиер. Предвидено е да се сретне и со американскииот државен секретар Ентони Блинкен и со секретарот за одбрана Лојд Остин.

Во соопштението од кабинетот на Бенет се наведува дека приоритет на средбата со Бајден ќе биде Иран, а ќе разговараат о за израелската воена предност во регионот, за пандемијата и за економски теми.

Бенет претходно се изјасни против обнова на нуклеарниот договор со Иран.

Би можело да ве интересира

Лекот „Регенерон“ против Ковид-19 пристигна во Израел, но повеќето пациенти го одбиваат

Ана Ололовска

Меркел: Германија се уште сноси одговорност за Израел

Двајца израелски министри се сретнаа со Абас во Рамалах

Ханија: Израел продолжува со политиката на окупација

Шефот на израелската дипломатија Јаир Лапид утре во историска посета на Бахреин

А1он

Чешка застарениот советски противоздушен систем ќе го замени со израелски „Спајдер“

А1он