Белорускиот премиер ќе ја тестира врз себе руската вакцина против Ковид-19

Од:

Премиерот на Белорусија Роман Головченко изјави дека одлучил да ја тестира руската вакцина против Ковид-19 на себе.

За таа одлука на Головченко, претседателот на Белорусија Александар Лукашенко денеска го извести рускиот премиер Михаил Мишустин за време на нивната средба, јави агенцијата БелТА.

Двајцата државници разговараа за заедничките напори во борбата против коронавирусот, а Лукашенко потсети дека Белорусија ќе биде првата земја што ќе ја добие руската вакцина за коронавирус.

– Се радувам што Роман Головченко денеска одлучи да се вакцинира. Сигурен сум дека сè ќе биде добро, рече Мишустин.

Покрај тоа, Белорусија ќе се приклучи на последната фаза на дополнително испитување на руската вакцина. Граѓаните ќе можат доброволно да учествуваат во третата фаза клинички испитувања, јави агенцијата ТАСС.

На 11 август, Русија стана првата земја што регистрира вакцина против коронавирус, наречена „Спутник В“. Вакцината, развиена од Националниот истражувачки центар за епидемиологија и микробиологија „Гамалеја“, беше подложена на клинички испитувања во јуни и јули. Вакцината е заснована на платформа што се користела за добивање на некои други вакцини.

Би можело да ве интересира

Русите спречиле терористички напад: ФСБ уапси три лица

(ВИДЕО) Нова драма во Русија: Евакуиран трговски центар по дојава за експлозивна направа

Катерина Ѓуровски

Објавена снимка од дрон од ужасот и пустошот во Москва

А1он

140 повредени во терористичкиот напад, полесно повредените добиваат амбулантска нега

А1он

Пендаровски го осуди нападот во московската концертна сала Крокус

А1он

Киев одговори на Русија: Тврдењата за наша вмешаност не заслужуваат ни критика

А1он