Белоруски медиуми тврдат дека мигрантите ја напуштаат границата меѓу Белорусија и Полска

Од:

Сите мигранти ги напуштиле двата кампа во близина на границата меѓу Белорусија и Полска, јави денеска белоруската новинска агенција Белта.

Според агенцијата, зад мигрантите останале шатори, фрлена облека и запалени огнови.

Известувач на агенцијата Тас јави дека повеќе од 500 мигранти го напуштиле импровизираниот камп недалеку од транспортно-логистичкиот центар Брузги, а останале 300 до 400 од вкупно 2.000 што дошле пред 11 дена.

Белоруски граничари во групи од 70 до 100 луѓе ги придружувале до транспортно-логистичкиот центар, оддалечен 1,5 километар од границата.

На границата на Белорусија со Полска и со балтичките земји од летово е зголемен приливот на мигранти од Блискиот Исток и Африка, кои се обидуваат да влезат во Западна Европа.

Ситуацијата ескалираше на 8 ноември, кога на оградата се собраа повеќе од 2.000 луѓе, кои неколкупати се обидоа да ги пробијат бариерите.

Полските граничари употребија солзавец, по што мигрантите поставија камп во близина на контролниот пункт Брузги во регионот Гродно.

Во понеделникот околу 3.500 луѓе преминале од кампот до контролниот пункт и се населија на граничната линија, а судирите со полските безбедносни сили почнале следниот ден.

Мигрантите ги гаѓаа со камења и стапови, а тие одговорија со солзавец, шок бомби и водени топови.

Дел од бегалците во средата се преселија во транспортно-логистичкиот центар каде Белорусите организираа ноќевање, а дел се вратија во шумата.

Би можело да ве интересира

Полска почна да гради нов ѕид на границата со Белорусија

Ана Ололовска

Најмалку седуммина мигранти починаа од хипотермија на брод за Лампедуза

Ана Ололовска

Полска: Звучен топ за прочистување на воздухот

Ана Ололовска

Рекорден број на новозаразени во Полска

Ана Ололовска

Земјите на ЕУ се обидуваат да ги зајакнат границите за да го намалат миграцискиот притисок

А1он

Лукашенко закажа референдум за да може да остане на власт до 2035 година