Белорусија, еден од најблиските сојузници на Русија, делумно ја врати контролата на границата со Русија, потврди белорускиот министер за надворешни работи Сергеј Алеиник. Ова е првпат по 28 години да се воведат контроли на границата долга 1.239 километри.
Алеиник тврди дека воведувањето гранични контроли има за цел да се избегне влез на државјани на трети земји во Белорусија пред спроведувањето на меѓувладиниот договор за взаемно признавање на визите. Сепак, активистите за човекови права мислат дека граничните проверки ќе бидат насочени кон Русите кои се обидуваат да избегнат мобилизација.
Шефот на белоруската дипломатија додаде дека проверките на луѓето кои ја минуваат белоруско-руската граница ги вршат белоруски граничари во тесна соработка со руските колеги.
„Тоа навистина не е контрола, тоа е повеќе како следење на ситуацијата на границата“, нагласи тој.