Белгија во Кривичниот законик го внесува поимот согласност во делото силување

Од:

Белгија од денеска почнува парламентарна дебата за владиниот предлог во Кривичниот законик да се внесе поимот согласност, кога станува збор за силување и сексуално насилство, јавува дописничката на МИА од Брисел.

За првпат во Белгија се менува Кривичниот законик во делот на сексуалното насилство за да се внесе поимот согласност. Засега силувањето е дефинирано само во однос на насилството и насилните односи, но не се осврнува на согласноста на жртвата.

Министерот за правда на Белија, Винсент Ванквикенборн, смета дека е крајно време да се модернизира текстот на законот во однос на силувањето, инцестот, но и проституцијата.

Тој утринава потсети дека Кривичниот законик во оваа област не е сменет од 1867 година, што ги обесхрабрува жените да пријават силување и сексуално насилство.

-Мора да го модернизираме и да ги прилагодиме казните и алтернативните казни, изјави министерот.

За министерот е неприфатливо што според законскиот текст што засега е во сила нема силување доколку нема насилство.

-Од сега ќе мора да има согласност, објаснува Ванквикенборн.

На овој начин доколку жртвата била под дејство на дрога, алкохол или во состојба на шок ќе може несакан сексуален однос да биде дефиниран како силување.

Што се однесува до инцестот, под 18-годишна возраст тој ќе се смета за кривично дело, без или со согласност.

Реформата се однесува и на проституцијата со цел да се зајакне заштита на сексуалните работници.

-Политиката за проституција е лицемерна. Имаме еден вид политика на толеранција, но на терен е произволна толеранцијата, некои обвинителства гонат, некој ништо не прават. Ако има согласност меѓу полнолетни лица проституцијата ќе биде декриминализирана, но истовремено поттикнувањето, рекламирањето, профитирањето ќе бидат кривични дела, објаснува белгискиот министер за правда.

Сексуалните работници ќе добијат и социјален статус, објасни министерот.

Би можело да ве интересира

Шок во Брисел откако се обелоденија повеќе силувања во познато кафуле

Ана Ололовска

Белгија: Министерот за здравство бара задолжителна вакцинација за здравствените работници

Ана Ололовска

Заштитната маска нема повеќе да биде задолжителна во Белгија

А1он

Белгија: Синдикатите алармираат за опасност од социјална катастрофа поради цените

Ана Ололовска

Белгија не предвидува трета доза вакцина засега

Ана Ололовска

Белгија: Епидемиолозите против укинување на носењето маски на јавни места

Ана Ололовска