Белгија: Министерот за здравство бара задолжителна вакцинација за здравствените работници

Од:

Министерот за здравство на Белгија, Франк Ванденбрук, изјави дека сака до крајот на оваа година да воведе задолжителна вакцинација против Ковид-19 за здравствените работници, јави дописничката на МИА од Брисел.

За министерот неопходно е медицинскиот персонал кој е во постојан контакт со болни лица да биде имунизиран.

– Ако сте примени в болница, или вашата мајка или татко, сакате да бидете безбедни, а безбедноста значи дека здравствените работници се вакцинирани. За болница или пензионерски домови станува збор за барање квалитетна услуга, истакна Ванденбрук.

Тој рече дека не може да се воведе задолжителна вакцинација за целото население иако тој би сакал сите да бидат вакцинирани и да не се сомневаат во имунизацијата, но дека е потребно за тоа да се убедат луѓето.

Министерот посочи дека се работи на закон за задолжителна вакцина против Ковид-19 на здравствените работници пред 2022 година и дека постои широк консензус за ваква мерка.

Би можело да ве интересира

Многу повеќе Американци добиваат засилувачка вакцина од оние кои се решиле на прва доза

А1он

Украинската национална хероина фатена со лажен сертификат за вакцинација

А1он

СЗО: Безбедна е истовремената употреба на вакцините против Ковид-19 и грип

Мета: Албанија прва во Европа по смртни случаи од Ковид, итно да се преземат соодветни мерки

Ана Ололовска

Романски министер за здравство: Не се гледа крајот на пандемијата

Ана Ололовска

Белата куќа бара СТО да поддржи суспензија на патентите за вакцини против Ковид-19

Ана Ололовска