Бејли по заминувањето од Скопје во март ќе се пензионира од дипломатската работа

Од:

Американскиот амбасадор Џес Бејли на неговиот Твитер профил објави дека по напуштањето на Скопје во март, ќе се пензионира од дипломатската работа по 34 години поминати во Стејт департментот.

– Ми беше чест да работам со овој фантастичен тим, секој ден во изминативе четири години, напиша Бејли.

Тој им се заблагодари на сите пријатели и колеги низ земјава кои напорно работеле на заедничките цели, а се заблагодари и на одличното гостопримство и паметни совети.

– Американско-македонските односи се посилни од било кога, ништо не го симболизира тоа подобро од членството на земјава во НАТО, пишува Бејли.

На позицијата американски амбасадор во Македонија, Бејли ќе го замени Кејт Мери Бирнс.

Бирнс во моментот е заменик-шеф на мисијата во Амбасадата на САД во Грција. Претходно, таа била заменик-шеф на мисијата и заменик-постојан претставник во мисијата на САД во седиштето на ОБСЕ во Виена, работела и во американската амбасада во Мадрид, а подоцна била и на дипломатски задачи во Авганистан и во седиштето на НАТО во Брисел.

Би можело да ве интересира

Полјански: САД се обидуваат да бидат светски полицаец, што е загрижувачко

Ана Ололовска

Милиони Американци патуваа за Денот на благодарноста, и покрај предупредувањата

Ана Ололовска

Џо и Џил Бајден за Денот на благодарноста: Годинава многу маси ќе останат празни за празникот

Ана Ололовска

Трамп планира да помилува уште неколкумина контроверзни осуденици, пишува „Њујорк тајмс“

Жарко Настоски

Ден на благодарноста во САД – пуритански празник на милоста и благодарност за тоа што го имаме

Жарко Настоски

Италија нуди воздушен коридор кон САД, исклучиво за патници негативни на коронавирусот

Жарко Настоски