Барние: Што и да се случи со Брегзит, ЕУ да се подготви за промени

Од:

Европската Комисија им препорача на земјите членки на ЕУ, нивните граѓани и компании да се подготват на време за промени од први јануари 2021, без оглед на тоа дали претходно ќе се постигне договор со Обединетото Кралство. Документот на ЕК опширно ги опишува областите во кои приватните фирми, граѓаните, јавните администрации и сите клучни сектори ќе треба да се прилагодат на крајот на транзицискиот период за Брегзит на први јануари идната година.

Велика Британија и ЕУ сѐ уште не склучиле договор за идното партнерство, што значи дека сценариото за „Брегзит без договор“ останува можна опција.

-Јавните администрации, бизнисите, граѓаните, чинителите ќе бидат погодени од одлуката на Обединетото Кралство да ја напушти ЕУ. По одлуката на британската влада да не го продолжува транзицискиот период после први јануари 2021, со или без договор. Им помагаме да се подготват најдобро што можат, изјави Мишел Барние, главниот ЕУ преговарач за Брегзит.

Препораките на Европската Комисија имаат за цел да ги опфатат сите можни сценарија за да можат земјите членки на ЕУ да се подготват, но нагласува дека овој документ „не го прејудицира исходот од преговорите“, односно дали Брисел и Лондон ќе успеат да се договорат за тоа како ќе изгледа нивното партнерство по први јануари. Кое и да биде сценариото и без разлика на типот на партнерство што ќе го склучат двата блока, неизбежни ќе биде да се појават некаков вид на трговски бариери.

Официјално, Обединетото Кралство ја напушти ЕУ на 31 јануари оваа година со единаесет месеци транзициски период за време на кој повеќето правила на ЕУ продолжуваат да важат за Британците, но без право на глас во ЕУ.

Би можело да ве интересира

Интензивни контакти со ЕУ, Заев верува дека ќе се најде решение со Бугарија

Ана Ололовска

ЕК е решена преговорите со Македонија да започнат до крајот на годинава, но не може да го гарантира тоа

Жарко Настоски

Вархеји: Односите со Западен Балкан се наш приоритет

Ана Ололовска

Изгласана резолуција за дигитална еднаквост во образованието во ЕУ

Ана Ололовска

Меѓувладина конференција до крајот на годинава – очекуваат Заев и Мишел

Ана Ололовска

„Вечерњи лист“: Бугарија го користи членството во ЕУ за негирање на македонскиот идентитет

Ана Ололовска