Балистичка ракета се урна во Јужна Кореја

Од:

Неуспешно лансирање балистичка ракета предизвика паника во инаку мирен јужнокорејски град, откако проектилот паднал на земја и предизвикал голем оган, соопштија денеска официјални лица.

Синоќа јужнокорејската војска истрела балистичка ракета со краток дострел Hyunmoo-2, која се урна веднаш по лансирањето поради дефект. Ракетното гориво се запалило за време на падот, но капсулата не експлодирала, изјави претставник на јужнокорејската војска за новинската агенција Јонхап.

Сеул и Вашингтон спроведоа повеќе заеднички вежби, вклучително и лансирање на проектили, како одговор на севернокорејското лансирање на балистичка ракета со среден дострел што прелета над Јапонија во вторникот.

Сликите кои кружат на социјалните мрежи, чија автентичност не можеше да ја потврди AFP, покажаа портокалова огнена топка, за која корисниците тврдеа дека се наоѓа во близина на воздухопловната база Гангнеунг на источниот брег на земјата.

„Многу жители во паника ја повикаа градската управа“, изјави претставник на градската управа на Гангнеунг. „На почетокот не знаевме што се случува бидејќи не добивме никакво предупредување од армијата дека се одржуваат такви вежби“, додаде таа, сакајќи да остане анонимна.

Генералштабот на војската на Јужна Кореја извести дека нема жртви и дека ги истражува причините за неуспешното лансирање.

Би можело да ве интересира

Северна и Јужна Кореја „разменија“ гранати: Војската на Ким Џонг Ун подготвена и за најмала провокација

А1он

ВИДЕО: Лидерот на опозицијата во Јужна Кореја избоден со нож во вратот

Јужна Кореја и се закани на Кина: Не може да се толерираат промени во Јужното Кинеско Море

Катерина Ѓуровски

Северна Кореја рано утринава истрела неколку крстаречки ракети кон Жолтото Море

ВИДЕО: 37.000 извидници евакуирани од камп во Јужна Кореја пред налетот на тајфунот Канун

Катерина Ѓуровски

Поплави и свлечишта во Јужна Кореја, стотици луѓе евакуирани

Горан Наумовски