Бајден: Штетите од лошото време – над 100 милијарди долари

Од:

Штетите од екстремните метеоролошки појави во САД оваа година ќе изнесуваат повеќе од 100 милијарди долари. Тоа го изјави американскиот претседател Џо Бајден за време на неговата посета на државата Колорадо. Тој претходно посети пожари во Калифорнија и Ајдахо, додека бури во други делови на земјата предизвикаа поплави и однесоа десетици животи.

Тропската бура Николас ги погоди бреговите на Тексас и Луизијана вчера, предизвикувајќи поплави и прекин на електричната енергија во стотици илјади домови.

Бајден го користи патувањето за да добие поддршка за планот за трошоци за инфраструктура, чија цел е справување со зголемената закана од климатските промени, јавија американски медиуми.

– Треба денес да ги направиме инвестициите што ќе ги забават климатските промени, а не утре, рече Бајден.

– Освен загубените и уништени животи минатата година, лошото време ја чинеше Америка 99 милијарди долари. Оваа година, овој рекорд ќе биде надминат, со штета од над 100 милијарди долари, наведе претседателот на САД.

– Ја знаеме причината за ова – климатските промени. Јас поставив цел за САД – да постигнат намалување од 50 до 52 проценти на емисиите на штетни гасови до 2030 година. Можеме да го постигнеме тоа на начин што ќе создаде добри работни места, ќе ги намали даноците за потрошувачите и бизнисите, што ќе не направи глобални лидери во целосно нова индустрија, додаде Бајден.

Би можело да ве интересира

ВИДЕО: Крвав напад со нож во САД, четворица мртви

Бајден: Да ја заштитиме Украина од месарот Путин

САД воведоа санкции за ентитети кои наводно им помагале на Хутите и Хезболах

САД бара од Украина да ги запре нападите врз руските рафинерии

(ВИДЕО) Пресметка меѓу мигрантите и Националната гарда на Тексас кај Ел Пасо

ВИДЕО: Американската милјардерка која со Тесла излета во езеро и се удави била пијана