Бајден се заканува со санкции лично против Путин ако Русија ја нападне Украина

Од:

Американскиот претседател Џо Бајден синоќа изјави дека е можно да се воведат санкции лично за рускиот претседател Владимир Путин, доколку Русија ја нападне Украина.

dobivaj vesti na viber

На новинарско прашање дали е можно такво нешто во случај на руски напад врз Украина, Бајден одговори потврдно.

Американскиот претседател рече дека во блиска иднина би можел да префрли дел од 8.500 американски војници кои се ставени на подготвеност, но вети дека американските војници нема да бидат распоредени во самата Украина.

САД генерално се воздржуваат од воведување санкции за странски лидери, а поранешниот претседател Доналд Трамп воведе санкции за венецуелскиот претседател Николас Мадуро во 2017 година и иранскиот врховен водач, ајатолахот Али Хамнеи во 2019 година.

И Велика Британија не исклучува санкции насочени лично против рускиот претседател Владимир Путин, доколку Русија ја нападне Украина, изјави денеска британската министерка за надворешни работи Лиз Трaс.

На прашањето за можни санкции против Путин, Трус за британски „Скај“ изјави: „Ништо не исклучуваме“.

– Ќе претставиме нов закон што ќе го заостри нашиот режим на санкции за да можеме да таргетираме повеќе компании и поединци во Русија. Тоа ќе го изнесеме во следните неколку дена. Не исклучуваме ништо, изјави Трас. Таа додаде дека Велика Британија доставува одбранбено оружје на Украина.

Би можело да ве интересира

Почнаа вежби: Белорусија се подготвува за војна?

Украински разузнавач: Путин избегна атентат

Бајден најави ново азиско-пацифичко економско партнерство со 13 земји

Бајден: САД воено ќе интервенираат во случај на кинеска инвазија врз Тајван

Гаспром продолжува да ја снабдува Европа со гас преку Украина

Ана Ололовска

Француски министер: Ќе бидат потребни 15 или 20 години за Украина да влезе во ЕУ

Ана Ололовска