Бајден сè поблиску до номинација за претседателски кандидат

Од:

Поранешниот американски потпретседател Џо Бајден на вчерашните внатрепартиски избори за претседателски кандидат од редовите на Демократската партија, забележа клучна победа во Мичиген, со што се зголемија шансите тој да биде демократот кој ќе се спротивстави на актуелниот претседател Доналд Трамп во ноември.

dobivaj vesti na viber

-Изгледа дека имаме уште една добра ноќ – победивме во Мисисипи, Мисури и Мичиген, изјави Бајден во говорот во Филаделфија.

-Пред само една недела, голем број аналитичари тврдеја дека оваа кандидатура е мртва. Сега и тоа како е жива, рече поранешниот потпретседател на САД, кој служеше два мандати под Барак Обама.

Исто како и по минатонеделниот добар резултат на т.н. „супер вторник“, кога победи во девет од 14 сојузни држави, Бајден победите ги посвети на „оние на кои не се сметало“ и „оние кои се оставени по страна“. По „супер вторникот“, голем дел од претендентите за партиски претседателски кандидат, кои се повлекоа од претседателската трка, го поддржаа Бајден.

Избори се одржаа и во западните сојузни држави Ајдахо, Северна Дакота и Вашингтон, но таму биралиштата подоцна се затворија, па се уште нема опфицијални податоци.

За некој да ја добие номинацијата, потребни се 1.991 делегат. Досега се објавени 1.651 делегати, од кои 823 се на Бајден, 663 на Сандерс и само 69 на Елизабет Ворен. 

Би можело да ве интересира

Нов американски пакет воена помош за Украина во вредност од околу 800 милиони долари

Врховниот суд на САД ја намали надлежноста на Владата во борбата со климатските промени

А1он

Врховниот суд пресуди дека Бајден може да ја укине политиката за враќање на имигрантите од јужната граница во Мексико

А1он

ВИДЕО: Бизон нападна семејство во паркот Јелоустон

Катерина Павлова-Николовска

СЗО: Американската забрана на абортусот ќе предизвика проблеми и смртни случаи

Катерина Павлова-Николовска

Русија најави дека ќе одговори на зголемувањето на бројот на американски војници во Европа

А1он