Бајден ја посети урнатата зграда во Мајами, спасувачката операција запрена поради опасност

Од:

Американските власти привремено ја прекинаа спасувачката операција во близина на Мајами поради стравувања во врска со стабилноста на делот од зградата што не беше урнат. Во меѓувреме, американскиот претседател Џо Бајден и првата дама Џил пристигнаа на Флорида за да разговараат со семејствата на загинатите и исчезнатите во урнатиот објект.

Во меѓувреме, бројот на жртви се искачи на 18, а 145 се водат за исчезнати, пренесува Гласот на Америка. Меѓу жртвите има две деца на возраст од 4 и 10 години.

Како одминува времето, надежите за наоѓање преживеани се намалуваат. Со исклучок на првите неколку часа по уривањето на зградата, никој не беше извлечен жив од урнатините.

Половина од 12-катната зграда со 136 станбени единици се урна минатиот четврток, а оттогаш спасувачите ги пребаруваа урнатините користејќи кранови, инфрацрвени скенери и кучиња.

Началничката на округот Мајами Дејд Даниела Левин Кава рече дека спасувачките екипи продолжуваат „со храбра и многу, многу тешка задача, изложувајќи се на опасност“.

– Тие работат нон-стоп скоро шест дена, рече таа.

Директорот за вонредни ситуации во Мајами, Дејд Чарлс Сирел,изјави дека повеќе од 50 агенции работеле на местото на уривањето, вклучително и над 900 вработени.

Засега не е позната причината за катастрофата, но медиумите јавуваат дека зградата претрпела структурни оштетувања.

Би можело да ве интересира

ВИДЕО: САД успешно ја тестираа балистичката ракета Tридент II

Ана Ололовска

ВИДЕО: Американската администрација најави забрзано протерувањена на мигрантите од Тексас

Ана Ололовска

Администрацијата на Бајден загрижена Генералното собрание на ОН да не се претвори во ковид жариште

Ана Ололовска

Американскиот милионер Роберт Дурст е осуден за убиство

Мери Јордановска

Случај со киднапирано дете решен после 14 години, мајката и ќерката конечно се гушнаа

Мери Јордановска

Вашингтон пост: САД ќе донираат милиони вакцини против Ковид-19 од „Фајзер“

А1он