Бајден и Си денеска телефонски ќе разговараат за ситуацијата во Украина

Од:

Претседателите на САД и Кина, Џо Бајден и Си Џинпинг, денеска телефонски ќе разговараат за ситуацијата во Украина. Како што пренесуваат медиуми, се очекува разговорот да биде „напнат“.

Медиумите потсетуваат дека Вашингтон веќе им се закани на пониски кинески владини претставници, приватно и јавно, доколку се даде поголема поддршка за Русија, тоа ќе значи ризик од изолација на Пекинг.

Како што вчера изјави американскиот државен секретар Ентони Блинкен, претседателот Бајден „јасно ќе каже дека Кина ќе сноси одговорност за сите дејства што ќе ги преземе, за да ја поддржи руската агресија, а ние нема да се двоумиме да наметнеме трошоци“.

САД се загрижени дека Кина размислува за директна помош на Русија, со воена опрема за користење во Украина. Кина ова го негира. Друга работа, што го загрижува Вашингтон, е тоа дека Кина би можела да ѝ помогне на Русија во заобиколување на економските санкции, наметнати од западните земји, поради инвазијата на Украина.

Извор: МИА

Би можело да ве интересира

ВИДЕО: Крвав напад со нож во САД, четворица мртви

ВИДЕО: Нов руски напад на Харков, убиено 13-годишно момче

Путин: Обвинувањата дека Русија ќе ја нападне Европа по Украина се целосна глупост

Бајден: Да ја заштитиме Украина од месарот Путин

САД воведоа санкции за ентитети кои наводно им помагале на Хутите и Хезболах

Русија издаде налог за апсење на шефот на украинската служба за безбедност поради тероризам