Шпанскиот премиер Педро Санчез и американскиот претседател Џо Бајден денеска се сретнаа во Мадрид, во пресрет на самитот на НАТО, и договорија зајакнување на соработката на полето на одбраната и миграцијата.
Двајцата лидери се согласија да ја охрабрат Кина да го почитува меѓународниот поредок, воспоставен со нормите.
Британските медиуми пренесуваат дека пред самитот на Алијансата во Мадрид, Бајден и Санчез ја осудија руската инвазија врз Украина и ја истакнаа важноста од заедничка акција за подобрување на енергетската безбедност на Европа и намалување на зависноста од руските фосилни горива.
Извор: МИА