Бајден го покани Тајван на онлајн самит за демократија, а Кина и Русија не

Од:

Американскиот претседател, Џо Бајден го покани Тајван на виртуелен самит за демократија, на кој ќе присуствуваат претставници на повеќе од 100 земји, со потег што може да ја „налути“ Кина, која не се наоѓа на листата на поканети учесници.
Конференцијата беше предизборно ветување на Бајден, кој во фокусот на својата надворешна политика ја стави борбата меѓу демократиите и „автократските влади“.

„Самитот за демократија“ ќе се одржи онлајн формат на 9 и 10 декември.

Кинеската Влада ја предупреди администрацијата на Бајден дека прави „грешка“ со тоа што го поканила Тајван да учествува на Самитот за демократија заедно со 109 други претставници на демократските влади.

Жу Фенглијан, портпаролка на кинеската канцеларија за Тајван, предупреди дека поканата на Тајван на самитот е „грешка“, нагласувајќи дека Пекинг е против „секаква официјална интеракција меѓу САД и кинескиот регион Тајван“.

– Овој став е јасен и конзистентен. Ги повикуваме САД да се придржуваат до принципот „една Кина“, истакна Фенглијан.
Не е чудно што главните американски ривали, Кина и Русија, не се меѓу поканетите.

САД го поканија Тајван, кој не го признава како независна земја, но го смета за примерна демократија.

Американскиот потег се очекува дополнително да ги разгори тензиите меѓу двете велесили.

Би можело да ве интересира

Американската Амбасада во Киев ги повика Американците веднаш да ја напуштат Украина

А1он

Шест американски авиони Ф-15 до крајот на идната недела ќе бидат распоредени во Естонија

А1он

Американските компании бараат исклучоци во случај на нови санкции против Русија

„Билд“: САД со нови санкции против Русија доколку ескалира ситуацијата во Украина

А1он

Путин: Русија и Кина се против политизација на спортот пред ЗОИ

Ана Ололовска

Кремљ: Загрижени сме затоа што САД ги зголемуваат тензиите

Ана Ололовска