Бајден денеска ќе се обрати на годишнината од нападот на Капитол

Од:

Американскиот претседател Џо Бајден денеска ќе зборува за историското значење на минатогодишниот напад на приврзаниците на поранешниот претседател Доналд Трамп врз американскиот Капитол, соопшти Белата куќа.

dobivaj vesti na viber

Во своето обраќање, на првата годишнина од нападот, Бајден ќе зборува во Капитол заедно со потпретседателката Камал Харис, пренесува Гласот на Америка.

„Претседателот ќе зборува за вистината што се случи, а не за лагите што некои ги шират оттогаш и за опасностите што тоа ги претставува за владеењето на правото и нашиот систем на демократско владеење“, рече портпаролката на Белата куќа, Џен Псаки на прес-конференција во вторникот.

На 6 јануари 2021 година, група поддржувачи на Трамп упаднаа во седиштето на Конгресот кој заседаваше за да се потврдат резултатите од изборите во ноември 2020 година, совладувајќи ги масовно послабите полицајци на Капитол кои беа на должност, кршејќи прозорци и уништувајќи историска зграда.

Неколку часа подоцна, откако федералните агенции за спроведување на законот и војската ја вратија контролата врз Капитол, членовите на Конгресот можеа да ја завршат својата работа и да ја потврдат изборната победа на Бајден.

Четири лица беа убиени на денот на нападот, меѓу кои и полицаец од Капитол кој почина следниот ден.

Толпата повреди десетина полицајци, а за неколку месеци по нападот, четворица полицајци извршија самоубиство.

Би можело да ве интересира

Бајден го потпиша законот што обезбедува помош од 40 милијарди долари за Украина

Ана Ололовска

Бајден пристигна во Јужна Кореја, прв на агендата е Самсунг

Бајден се сретна со челниците на Шведска и Финска

Ана Ололовска

Бајден на средба со лидерите на Шведска и Финска

Катерина Павлова-Николовска

Бајден: Членството на Финска и Шведска носи придобивки за цело НАТО

Ана Ололовска

Бајден го осуди „отровот на белиот супрематизам“, оддавајќи им почит на жртвите во Бафало