Азербејџан и предаде 15 воени заробеници на Ерменија

Од:

Една недела пред предвремените парламентарни избори во Ерменија, Азербејџан денеска на соседната земја и предаде 15 воени заробеници, согласно мировниот договор со кој заврши конфликтот кон крајот на 2020 година.

Азербејџанското Министерство за надворешни работи денеска соопшти дека воените заробеници беа предадени на заедничката граница со посредство на претставници од Грузија.

Ерменија за возврат предаде „мапа со 97.000 противтенковски и противпешадиски мини поставени во областа Агдам“, соопшти Министерството.

Агдам е една од териториите што Ерменија мораше да му ги предаде на Баку според мировниот договор постигнат со посредство на Русија.

Досега имаше неколку размени на воени заробеници, но Ерменија постојано го обвинуваше Азербејџан дека не го исполни договорот за предавање на сите воени заробеници, иако помина повеќе од половина година од судирот на двете земји околу Нагорно- Карабах.

Од 27 септември до 9 ноември 2020 година, во конфликтот за енклавата Нагорно Карабах, во која претежно живееја православни Ерменци, Азербејџан успеа да заземе големи делови од територијата што ј во есента 2020 година а изгуби во претходните конфликти во раните 1990-тите.

Во шестнеделниот конфликт во есента 2020 година загинаа повеќе од 6.000 лица, што предизвика сериозна политичка криза во Ерменија и предвремени парламентарни избори.

Многу Ерменци за поразот го обвинуваат премиерот Никол Пашинијан, чија оставка беше побарана со масовни протести.

Би можело да ве интересира

Петнаесет ерменски војници убиени во судир со азербејџанската војска

А1он

Ерменија и Азербејџан ќе ги обноват преговорите за Нагорно-Карабах

Ана Ололовска

Социјални услуги во Азербејџан само за вакцинирани против Ковид-19

Пашињан: Можно е распоредување руски трупи на границата со Азербејџан

Ана Ололовска

ОБСЕ даде добра оценка за изборите во Ерменија

Жарко Настоски

Премиерот на Ерменија го нуди синот во замена за сите заробеници во Азербејџан

Ана Ололовска