Австрија следната недела најверојатно ќе ја нарача руската вакцина

Од:

Австрија следната недела најверојатно ќе нарача милион дози од руската вакцина „Спутник V“, изјави денеска австрискиот канцелар Себастијан Курц, без да прецизира дали ќе чека одобрување од Европската агенција за лекови (ЕМА) пред да се користи.

„Ние сме при крај и следната недела Спутник најверојатно ќе биде нарачан“, наведува Курц во соопштение.

Тој претходно рече дека Австрија нема да ја користи вакцината „Спутник“ без одобрение од ЕМА, но во соопштенијата од вчера и денеска тоа не се споменува.

„Во април се очекува да бидат испорачани 300.000 дози, во мај 500.000 дози и на почетокот на јуни 200.000“, се додава во соопштението.

Досега Унгарија и Словачка нарачаа руска вакцина, а Унгарија веќе ја користи.

Италијанскиот регион Кампанија потпиша договор за купување на руската вакцина, но откако ЕМА ќе ја одобри.

Францускиот претседател Емануел Макрон и германската канцеларка Ангела Меркел вчера на видео-конференција разговараа за можната соработка со рускиот колега Владимир Путин во врска со вакцината.

Би можело да ве интересира

Јужна Африка засега нема да ја одобри руската вакцина „Спутник В“

А1он

Австриското обвинителство побара укинување на имунитетот на Себастијан Курц

СЗО ја запре постапката за итно одбрување на Спутник В

Лавров: Русија не украла формула на вакцината на Астра Зенека за да ја произведе Спутник В

Ана Ололовска

ВИДЕО: Пратеничка се онесвести на говорница за време на вонредната седница поради ситуацијата со Курц

А1он

ВИДЕО: Себастијан Курц поднесе оставка

Катерина Павлова-Николовска