Австрија се противи на проширувањето на Шенген зоната со Хрватска, Бугарија и Романија

Од:

Австриското Министерство за внатрешни работи денеска соопшти дека земјата се противи на укинување на проверките на границите на Бугарија, Хрватска и Романија, кои се членки на ЕУ, јави ДПА, повикувајќи се на весникот Курир.

Еврокомесарката за внатрешни работи, Илва Јохансон, неделава и официјално предложи трите земји да се вклучат во безвизната европска Шенген зона, во која нема гранични проверки.

-Сега, кога системот на надворешни граници не функционира, не е добро време да се гласа за проширување на Шенген зоната, изјави за весникот Курир австрискиот министер за внатрешни работи, Герхард Карнер, кој доаѓа од конзервативната Австриска народна партија.

Австрија во моментов се соочува со зголемен број бегалци, кои пристигнуваат низ други земји на ЕУ по таканаречената „Балканска маршрута“ за влез во земјава. Според податоците на австриското МВР, од почетокот на годинава до австриската граница стигнале над 90.000 лица. Од нив, 75.000 не биле претходно регистрирани во ниту една друга земја на ЕУ.

Гласањето за пристапување на трите земји во Шенген зоната е закажано за 8 декември. Одлуката мора да биде донесена едногласно.

Во Шенген зоната, која обединува 26 земји, во голема мера нема гранични проверки, а тоа им овозможува на луѓето да патуваат, работат и живеат во друга земја без визи или дозволи.

Бугарија, Романија, Хрватска, Ирска и Кипар се единствените земји од ЕУ кои не се дел од Шенген зоната, додека во зоната се земји кои не се членки на ЕУ, како Исланд, Норвешка, Швајцарија и Лихтенштајн.

Би можело да ве интересира

Бугарите од Македонија до Вархеи: Очекуваме дијалог меѓу нас и властите во Скопје

Горан Наумовски

Експлозија во магацин кај Дубровник, едно лице загина

А1он

Бугарка се обидела да се самоубие во живо на Тик-ток по љубовна измама

А1он

(ВИДЕО) Невидено е што Европа молчи на заканите, а Бугарија ја користи ЕУ за бугаризација на Македонија

Во Сплит казната за одење во костим за капење на улица и пиење алкохол на јавно место е 150 евра

Ана Ололовска

Грлиќ Радман – Дачиќ: Соработката меѓу Хрватска и Србија е во интерес на двете земји

Ана Ололовска