Австрија ги заострува граничните контроли кон сите соседи

Од:

Австрија од денеска ги заострува граничните контроли кон сите свои соседи, соопшти Министерството за внатрешни работи, а министерот за внатрешни работи, Карл Нехамер, за оваа тема вчера попладне разговарал со неговиот германски колега, Хорст Зехофер, по што ќе разговара и со министрите на другите соседни земји.

Патувањата треба да се намалат на апсолутен минимум, се наведува во изјавата на Нехамер.

“Постојат само неколку исклучоци, кога патувањата навистина се потребни. Сега ќе ги засилиме контролите на границата и со тоа ќе го зголемиме притисокот со цел да се придржуваме до мерките, рече тој.

Контролите на границите, според него, се инструмент за запирање на новиот бран на инфекцијата, што е особено опасен сега поради новите видови коронаворус.

Додека на границите со Унгарија и so Словенија, постојани гранични контроли има уште од мигрантската криза во 2015 година, а веќе еден месец и на границите со Чешка и Словачка, досега контролата на границата со Германија, Италија и Швајцарија беше само по случаен избор.

Ова, како што се навеduva, сега ќе се интензивира.

Според Министерството, единиците на австриската полиција ќе извршуваат контроли во соработка со колегите од соседството.

Австриската Влада штотуку ги усвои мерките за заострен режим на влез во земјата. Според нив, а кои ќе стапат на сила од среда, секој што влегува во Австрија мора да има негативен тест за антиген или ПЦР тест, а задолжителен е карантин од десет дена. Овој карантин може да се прекине, по пет дена изолација, со негативен тест. Пред да влезе во земјата, патникот, исто така, треба да изврши регистрација преку Интернет.

Би можело да ве интересира

Австрија ќе вакцинира на гробишта, во музеи, на базени

За една година во Австрија утврдени 137 мутации на коронавирусот

Австрија следната недела најверојатно ќе ја нарача руската вакцина

Австрија го одложи отворањето на рестораните, најавени нови ограничувања

Катерина Павлова-Николовска

Вакцината на АстраЗенека предизвикува најмногу несакани дејства, тврдат австриските здравствени власти

Од 10 февруари заострен режим за влез во Австрија