Австрија: 13-годишно момче преживеа пад од 33 метри

Од:

Тринаесетгодишниот Александер О. од Тирола преживеа пад од 33 метри, откако паднал од една карпа во шума, во која возел велосипед.

-Дали е можно да сум жив- го прашало момчето лекарот Томас Кернер, по спасувањето.

Искусниот спасувач, се изненадил кога го пронашол во свесна состојба.

-Не можевме да им веруваме на своите очи, момчето сигурно има 500 ангели чувари- вели тој.

Александер се возел со велосипед низ шумата, која што се наоѓа во близина на неговата куќа. Здогледал голема карпа на која и се приближил за да ја види поубаво.

-Од љубопитност се приближил премногу до работ и паднал- изјавил Кернер.

Тој се здобил со бројни полесни повреди, бидејќи при падот повеќе пати удрил во острите карпи. По падот успеал преку мобилен телефон да го повика својот татко, кој ја алармирал лекарската екипа.

-Кога го пронајдовме беше во свесна состојба и за чудо немаше потешки повреди – вели Кернер.

Спасувањето на тринаесетгодишното момче било голем предизвик, бидејќи провалијата каде што паднал, била широка помалку од пет метри, поради што пилотот од спасувачкиот хеликоптер морал со јаже да се спушти до него.

По укажување на првата помош, Александер е префрлен во болница во Салцбург, а примариусот Јозеф Обрист потврдил дека состојбата на момчето е стабилна и дека случајот се „граничи со чудо“.

Е.Г.

Би можело да ве интересира

Австрискиот парламент го отфрли трговскиот договор на ЕУ со Јужна Америка

А1он

Австрија: Војската не е во состојба да ги заштити граѓаните

Ана Ололовска

Партија Неос: Курц да престане да „пали“ низ Балканот

Ана Ололовска

Австрија: Моментално ниту една коалиција не е реална без ОВП

Ана Ололовска

Анкета: Аферата „Ибица“ нема да влијае на рејтингот на партиите

Ана Ололовска

Олимпискиот бегалец обвинет за сексуално злоставување конечно уапсен

Leave a Comment

eighteen − 6 =