Австралиски војници осомничени за убиство на мештани во Авганистан

Од:

Австралиските власти денеска соопштија дека 19 сегашни и поранешни војници ќе бидат испратени до специјален истражител поради можно кривично гонење за наводно убиство на 39 локални жители во Авганистан, од кои повеќето биле затвореници и не биле вооружени.

Објаснувајќи ги наодите од долгоочекуваната истрага за однесувањето на персоналот на специјалните сили во Авганистан помеѓу 2005 и 2016 година, австралискиот генерал Ангус Џон Кембел рече дека има веродостојна информација дека 25 припадници на австралиските специјални единици извршиле 39 нелегални убиства во 23 одделни инциденти.

Според извештајот, повеќето убиени, вклучително затвореници, земјоделци и други локални жители во Авганистан, биле заробеници кога биле убиени и затоа биле заштитени со меѓународното право, пренесува Си Ен Ен.

Кембел рече дека поради тоа, 19 сегашни и поранешни припадници на австралиската армија ќе бидат испратени до специјален истражител, кој ќе биде назначен наскоро, со цел да се утврди дали има доволно докази за да бидат гонети.

– Сите овие убиства се случија надвор од „жариштето на битката“, рече Кембел.

Тој додаде дека ваквите откритија укажуваат на најсериозно кршење на правилата за однесување на војската и професионалните вредности.

– Противправното убивање цивили и затвореници никогаш не е прифатливо, рече тој.

Би можело да ве интересира

ВИДЕО: Избезумени коали се држат за дрвја за време на сеча

Земјотрес во Австралија, епицентарот бил на 65 километри од Сиднеј

(ВИДЕО) Австралиец врзал мали деца откако ги фатил како се капат во базен

Во австралиските шумски пожари горат куќи, а топлотниот бран допрва ќе следи

ВИДЕО: Полицаец убил познат автралиски ТВ водител и неговто момче

Катерина Ѓуровски

Австралија: Околу 64.000 луѓе останаа без струја поради циклонот Кирили