Талибанците најавија дека утре ја почнуваат пролетната офанзива против авганистанската Влада, силите на НАТО и нивните „дипломатски центри“ со посредство на бомбаши самоубијци и со уфрлени агенти.
Опрацијата „Халид бин Валид“, наречена според големиот војсководец на муслиманските војски од седми век, ќе почне утре во целата земја. Талибанците ги активираат акциите секоја година откако ќе се стопи снегот.
Талибанците прекусоопштение се закануваат со „колективни операции на маченици врз базите на странските окупатори, нивните дипломатски центри и воените аеродроми, со цел да предизвикаат големи загуби“.
Тие по повод планираното повлекување на силите на НАТО на крајот од следната година истакнаа дека „непријателот и покрај целата воена помош е принуден да побегне“.
Талибанците апелираа до владините претставници да се справат со корумпираната администрација, а свештениците и племенските водачи да ги спречат младите да се пријавуваат за работа во армија и во полиција.