Атентатот во Ливерпул бил подготвуван најмалку седум месеци

Од:

Наводниот извршител на нападот со експлозијата, што се случи во неделата во такси во Ливерпул, северна Британија, го подготвувал нападот „најмалку“ седум месеци, соопшти денеска британската полиција.

dobivaj vesti na viber

Силите за борба против тероризмот го истражуваат минатото на Емад Ал Свелмин (32), барател на азил кој го прифатил христијанството, кој загина во експлозијата во неделата околу 11 часот пред женска болница, за време на комеморација на жртви од војната.

Таксистот кој го заклучил во возилото е полесно повреден.

Полицијата за борба против тероризмот соопшти дека Емад Ал Свелмин изнајмил стан во Ливерпул во април и почнал да купува делови за експлозивната направа што ја донел во таксито, се вели во соопштението на полицијата.

Медиумите јавуваат дека инспекторите се обидуваат да утврдат дали бомбата содржела ТАТП, рачно изработен експлозив користен во атентатот во концертната сала во Манчестер во 2017 година.

Полицијата смета дека се работи за атентат, но според британските медиуми сè уште не е утврден идеолошкиот мотив за нападот.

Иако не е објавен нов елемент во врска со мотивот за нападот, во тек е полициска истрага за утврдување на профилот на напаѓачот, кој досега медиумите го прикажуваа како барател на азил од Блискиот Исток.

Британскиот печат објави дека Емад Ал Свелмин пристигнал во Велика Британија во 2014 година, а потоа му била одбиена молба за азил, по што преминал во христијанство.

Неколку медиуми денеска јавија дека некои апликанти ја менуваат верата за побрзо да добијат азил.

Би можело да ве интересира

Трас: Велика Британија нема да и се приклучи на Европската политичка заедница

Ана Ололовска

Џонсон: Ќе ја послушам пораката на гласачите

Ана Ололовска

Лидерот на британските ториевци Оливер Дауден поднесе оставка

Ана Ололовска

Џонсон со порака до Г7 и НАТО: Сега не е време за лош мир во Украина

Ана Ололовска

Велика Британија предлага хомосексуалците и бисексуалците да се вакцинираат против мајмунски сипаници

А1он

Рааб: Поради штрајкот најмногу страдаат оние со најниски примања

Ана Ололовска