Атамбаев под истрага и за минатонеделното убиство на полицаец во неговата резиденција

Од:

Поранешниот претседател на Киргистан, Алмазбек Атамбаев, е под истрага за вмешаност во минатонеделното убиство на полицаец, за време на акцијата во неговата резиденција надвор од главниот град Бишкек, јави ДПА.

Атамбаев, кој од 2011 до 2017 година ја предводеше оваа поранешна советска република во Централна Азија, првично се соочи со обвиненија за корупција што се појавија како дел од личното ривалство со неговиот наследник, сегашниот претседател.

Откако Атамбаев минатиот четврток беше притворен, неговите приврзаници почнаа немири и запалија полициска станица во близина на резиденцијата, во градот Ко-Таш, и се собраа во центарот на Бишкек.

Атамбаев е осомничен за вмешаност во поттикнување немири, попречување на правдата, земање заложници, убиство на едно лице и обид за убиство на друго, денеска кажа државниот обвинител Отурбек Јaмшитов, во коментар даден за државните медиуми.

Киргистан во изминатите две децении доживеа две револуции, во 2005 и 2010 година. Атамбаев мирно се откажа од власта на крајот на неговиот шестгодишен мандат.

И Атамбаев и неговиот ривал, актуелниот претседател Соронбај Зенбеков доаѓаат од истата централно-левичарска партија, Социјалдемократи.

Минатиот месец Атамбаев побара поддршка од рускиот претседател Владимир Путин на состанокот во Москва. Потоа Путин му изрази поддршка на Зенбеков, пренесе ДПА.

Би можело да ве интересира

Двајца членови на делегацијата на киргистанскиот претседател во Москва заразени со коронавирус

А1он

Експретседателот на Киргистан осуден на 11 години за ослободување мафијашки шеф од затвор

А1он

Кубатбек Боронов избран за премиер на Киргистан

Ана Ололовска

Премиерот на Киргистан поднесе оставка поради корупциски скандал

А1он

Киргистанскиот претседател ги смени вицепремиерката и министерот за здравство поради бавни реакции во борбата против коронавирусот

Ана Ололовска

Протести во Киргистан, уапсени 60 лица за недозволен протест по повод 8 Март

А1он