Астра Зенека нуди поевтина вакцина, европските влади ќе плаќаат отштета за можни несакани дејства

Од:

Европските влади ќе плаќаат отштета за надминување на границата договорена со компанијата „Астра Зенека“ за можните последици од нејзината потенцијална вакцина против Ковид-19, според одредбите од договорот со таа компанија кои се различни од договорот со „Санофи“, според европски официјален претставник цитиран од Ројтерс.

Договорите ги одразуваат различните стратегии на овие водечки глобални производители на лекови кога станува збор за одговорност за можните последици од вакцините насочени кон ставање крај на пандемијата.

Британската компанија „Астра Зенека“ доби поддршка од Европската унија во таен договор, бидејќи бараше пониска цена за нејзината потенцијална вакцина, рече официјалното лице.

„Ако некоја компанија побара повисока цена, ние не даваме еднакви услови“, изјави претставникот, кој учествуваше во преговорите, но не сака да биде именуван бидејќи договорите се тајни.

Неочекуваните несакани ефекти откако лекот ќе добие регулаторно одобрување се ретки, но поради брзината со која се развива вакцината против Ковид-19, ризиците се поголеми.

Договорот со „Астра Зенека“, со кој се префрла дел од ризикот на вакцини кај даночните обврзници, беше склучен со Европската комисија во август, но одредбите за одговорност досега не беа познати.

Би можело да ве интересира

Почина волонтер што ja прими вакцината против коронавирусот на Оксфорд и АстраЗенека

Жарко Настоски

Рекордни 512 новозаразени со коронавирус во Србија во изминатиот ден

Жарко Настоски

Германскиот министер за здравство е позитивен на коронавирусот

Жарко Настоски

Чешка воведува построги мерки и полициски час по скокот на бројот на новозаразени

Жарко Настоски

Француската Влада предлага вонредната состојба да трае до 16 февруари

Жарко Настоски

Руски истражувачки центар: Откриени повеќе од 80 мутации на новиот коронавирус

Жарко Настоски