Асанж се наоѓа во строго обезбедуваниот затвор Белмарш

Од:

Основачот на Викиликс, Џулијан Асанж е однесен во затворот Белмарш во југоисточниот дел на Лондон, открива неименуван британски судски извор.

Затворот Белмарш е силно обезбедуван, со капацитет до 910 затвореници, меѓу кои има и такви што предизвикуваат голем медиумски интерес. Меѓу нив беше Роналд Бигс, еден од извршителите на грабежот на поштенскиот воз од Глазгов до Лондон во 1963 година, кој почина во 2013 година. Меѓу затворениците се наоѓаше и радикалниот проповедник Анџем Чоудри, кој е осуден во 2016 година и ослободен две години подоцна.

Британската полиција пред два дена го уапси Асанж во зградата на Еквадорската амбасада во Лондон, каде престојуваше изминативе седум години, откако Еквадор му го укина азилот. Полицијата информираше дека 47-годишниот Асанж бил уапсен врз основа на налог на Судот во Вестминстер издаден на 29 јуни 2012 година, затоа што не се јавил на суд во предвидениот термин.

Адвокатката на Асанж, Џенифер Робинсон изјави дека нејзиниот клиент ќе се бори против барањето за екстрадиција, а тој процес може да трае меѓу 18 месеци и две години.

Би можело да ве интересира

Затвореник од штипскиот затвор препродавал марихуана

А1он

Затвореник ја запалил келијата во кумановскиот затвор

А1он

Во Лондон почна сослушувањето на Асанж за екстрадиција во САД

А1он

Асанж и американски владини претставници денеска пред лондонски суд

Ана Ололовска

Асанж и американски владини претставници утре пред лондонскиот суд

Ана Ололовска

Кнајсел бара рехабилитација за Асанж

Ана Ололовска