Асад ќе бара отштета од САД за кражбата на сириска нафта

Од:

Сирија планира пред Обединетите нации да го покрене прашањето за кражбите на сириска нафта и да побара отштета од САД, изјави сирискиот претседател Башар ал-Асад во интервју за РИА Новости.

Истовремено тој ОН ги оцени како „полудржава, контролирана од бандитски групи и формирана врз принципот на сила”.

-Јас, Вие и многу луѓе низ светот знаеме дека ОН не постои, затоа што нема меѓународно право. (…) Ние ќе испратиме поплаки, но тие ќе останат по рафтовите, додаде сирискиот лидер.

Околу 90 отсто од производството на сириска нафта е сконцентирано на источниот брег на реката Еуфрат, што претходно беше јадрото и главниот извор на приходи за терористите од Исламска држава. Во овој период од конфликтот регионот е под контрола главно на сојузниците на САД, пред се, на курдските Сириски демократски сили (СДС).

Претходно портпаролот на Пентагон изјави дека приходите од сириската нафта ќе одат за СДС, а не за САД, а министерот за одбрана Марк Еспер додаде дека САД ќе ги бранат нафтените наоѓалишта во регионот што беше под контрола на Исламска држава.

Официалните сириски власти во Дамаск не ги признаваат барањата на Курдите за автономна администрација во северна Сирија и активнстите на САД и СДС ги оценуваат како агресија врз земјата.

Москва смета дека активностите на Вашингтон го отежнуваат постигнувањето мировен договор во Сирија и создаваат „дополнителни дразнења“ во конфликтот.

Шефот на руската дипломатија Сергеј Лавров претходно забележа дека САД се обидуваат да создадат „квазидржава“ во северна Сирија.

Руското Министерство за одбрана пресметало дека САД од сириската нафта месечно заработуваат околу 30 милиони долари.

Би можело да ве интересира

Регистриран најголемиот месечен буџетски дефицит во историјата на САД

А1он

Над 15.000 новозаразени лица со Ковид-19 за едно деноноќие во Флорида

А1он

Си-ен-ен: Трамп предложи продажба на Порторико по ураганот Марија

Ана Ололовска

ВИДЕО: Најмалку 21 повреден во пожар на американски воен брод во Сан Диего

Ана Ололовска

Рекорден број новозаболени и хоспитализирани лица со Ковид-19 во некои американски сојузни држави

Ана Ололовска

Кремљ: Односите Русија – САД никогаш не биле на пониско ниво

Ана Ололовска