Аргентинските спасувачки екипи трагаат за телата затрупани под урнатините на нелегално изградените апартмани покрај супермаркет, чиј покрив се урна и затрупа десетина работници.
Власта во Неукен соопштија дека досега се извлечени телата на две жени, а сеуште како исчезнати се водат шест луѓе.
Иако двата камиони го однесоа шутот кој остана од урнатините, влезот во супермаркетот е сеуште небезбеден, што ја отежнува потрагата по жртвите.
Еден од преживеаните рече дека покривот паднал бидејќи покрај супермаркетот нелегално е изградена зграда со апартмани која се урнала и ја повлекла гредата од покривот.