Зад обидот да се собори претседателот на Венецуела Николас Мадуро стои американската Централна разузнавачка агенција (ЦИА), изјави венецуелскиот министер за надворешни работи Хорхе Ареаза.
-Постои целосен план на ЦИА и опозицијата на Венецуела да се собори власта на Николас Мадуро и да се преземе контрола над природните ресурси во земјата, кои му припаѓаат на народот.
Тоа се обидуваме да го спречиме. Не сакаме народот на Венецуела да страда, изјави Ареаза на прес-конференција во Москва.
Според него, властите во земјата барале состанок со американскиот државен секретар Мајк Помпео.
-Американската администрација би требала да дозволи опозицијата на Венецуела да седне на преговарачка маса со нас, рече Ареаза.