Ардерн: Нов Зеланд ќе ги ублажи мерките кога ќе биде вакцинирано 90 отсто од населението

Од:

Премиерката на Нов Зеланд Џасинда Ардерн денеска нагласи дека земјата ќе стави крај на заклучувањето и строгите мерки наметнати поради пандемијата на коронавирусот само кога 90 отсто од населението ќе биде целосно вакцинирано.

-На крајот, најдовме рамнотежа помеѓу желбата да се отвориме повторно брзо, но луѓето се уште да бидат безбедни, рече Ардерн на прес-конференција.

Досега, 68 проценти од жителите на Нов Зеланд биле вакцинирани со две дози, додека 86 проценти добиле единечна доза. Откако ќе се исполни целта за 90 проценти целосна вакцинација на населението, земјата ќе се пресели во нова рамка за заштита од Ковид -19 што ќе обезбеди излез од заклучувањето и ќе овозможи повторно отворање на бизниси и настани, рече Ардерн. -Целосно вакцинираните луѓе ќе можат повторно да се соберат со семејството и пријателите, да одат во барови и ресторани и да прават што сакаат со поголема безбедност, додаде таа. Нов Зеланд, кој беше пример во борбата против Ковид-19, има потешкотии да го потисне ширењето на многу заразна Делта варијанта на вирусот, и покрај тоа што неговиот најголем град Оукленд е под строг „локдаун“ повеќе од два месеца.

Инаку, за време на прес-конференцијата, Нов Зеланд беше погоден од земјотрес со јачина од 5,9 степени по Рихтеровата скала, што ја принуди премиерката да подзастане, да се фати поцврсто за говорницата, а потоа му се обрати на новинарот со прашањето: Ах, извинете, мало одвлекување на вниманието – дали би ви пречело да го повторите тоа прашање?

Би можело да ве интересира

Ковид-19: Израел ги затвора границите за странци

Ана Ололовска

Сијарто: Руската вакцина е најдобра, тоа го признаваат и западните експерти, но за тоа молчат

Ана Ололовска

Австралија потврди дека двајца патници од Јужна Африка се заразени со сојот омикрон

Ана Ололовска

ГАВИ: Појавата на сојот омикрон е показател на неправедната распределба на вакцините во светот

Ана Ололовска

Истражување: Кога Кина би ги следела западните пристапи, ќе ја распламти епидемијата

Ана Ололовска

Светска медицинска асоцијација: Можеби вакцината против Ковид-19 ќе треба да се дава секоја година

Ана Ололовска