Арапска лига го предупреди Израел: Си играте со оган

Од:

Арапската лига денеска го обвини Израел дека си „игра со оган“, со воведувањето камери како нова мерка за безбедност пред големите светилишта на Ридот на храмот, што го посетуваат и Евреите и муслиманите во Ерусалим.

„Ерусалим е црвената линија. Ниту еден Арап или муслиман нема да прифати насилство врз светилиштето“, рече шефот на Арапската лига, Ахмед Абул Геит, во соопштение пренесено од француските медиуми.

Како што претходно денеска пренесоа медиумите, израелската полиција постави напредни надзорни камери на Лавовската врата, на влезот во Ридот на храмот, во Стариот град на Ерусалим, кои, наводно, можат да идентификуваат вооружени лица при обид да влезат на подрачјето на светилиштето.

Кај Лавовската врата на 14 јули имаше терористички напад, кога вооружени Палестинци убија двајца израелски полицајци откако прошверцувале огнено оружје.

Камерите се поставени во ноќта меѓу саботата и неделата и претставуваат дел од современата технологија што има можност да ги идентификува оние кои се обидуваат да внесат оружје без детектор за метал, јави „Тајмс оф Израел“.

Американските медиуми пренесоа дека Израел наведува дека камерите се „алтернатива“ за металните детектори, чие поставување предизвика насилства во ова подрачје во текот на викендот, додека Палестинците оваа безбедносна мерка ја гледаат како обид на Израел да оствари поголема контрола врз светилиштето.

Абдул Геит ја обвини израелската Влада за „авантуризам“, наведувајќи дека нејзините потези можат да покренат „криза во светот на Арапите и муслиманите“.

Би можело да ве интересира

Иранскиот шеф на дипломатијата пристигна во Биариц каде се одржува самитот на Г7

Трамп негира дека се согласил Макрон да преговара со Иран во име на Г-7

Израелски авиони нападнаа ирански сили во близина на Дамаск

Иран и Русија извршија ракетни тестирања

Ана Ололовска

Зариф во Париз на средба со Макрон за иранскиот нуклеарен договор

Ана Ололовска

Зариф: Иран нема да почне војна во Заливот, но ќе се брани

Ана Ололовска