Анкета: Секој четврти Италијанец верува во теории на заговор околу коронавирусот

Од:

Eдна четвртина од Италијанците веруваат во теории на заговор за епидемијата со Ковид-19, особено дека вирусот е создаден во лабораторија за да влијае на рамнотежата на силите во меѓународните односи или дека тој воопшто не постои и се користи како изговор за контрола на врз луѓето.

Според резултатите од најновата анкета, секој петти Италијанец или 20 проценти сметаат дека вирусот потекнува од лабораторија и бил намерно проширен за да влијае на рамнотежата на силите во светот, а пет отсто од испитаниците изјавиле дека новиот коронавирус воопшто не постои, но се користи како изговор за контрола на луѓето и економија.

Меѓу теоретичарите на заговор, 33 проценти сметаат дека вирусот е произведен од Кинезите за да ослабнат други земји, 21 отсто истакнале дека тоа го направиле големи интернет компании за да се збогатат, 20 проценти дека е создадено од светски елити за да наметнат здравствена диктатура и 16 отсто дека е создаден од мафијата за да се збогати и да ја зајакне својата моќ.

Што се однесува до вакцината, 44 проценти од испитаниците изјавиле дека сигурно ќе севакцинираат, а 26 отсто само доколку вакцината е задолжителна. Додека 11 проценти одговориле оти нема да го сторат тоа дури и ако треба, а 19 проценти се уште не знаат што ќе одлучат.

Испитаниците се многу критични кон младите, за кои велат дека се главните преносители на новиот коронавирус

Така, 71 процент од нив изјавиле дека воглавно или целосно се согласуваат со проценката: „Денешната младина порасна во благосостојба, па дури и во време на Ковид-19 не се подготвени да направат никаква жртва за општо добро“.

Анкетата е изработена од СВГ (SWG) на примерок од 800 испитаници за телевизиската мрежа Ла7, со маргина на грешка од 3,4 проценти.

Би можело да ве интересира

Грците го преполнија центарот на Атина, редици пред продавниците

Ана Ололовска

Синдикат: Италијанската издавачката група „Геди“ отпушта новинари

Ана Ололовска

599 нови случаи на Ковид-19 во Хрватска

Ана Ололовска

Министерката за здравство со „магија“ се бореше против коронавирус, па се зарази

Ана Ололовска

10.000 жители на Хонг Конг ќе останат дома додека не бидат тестирани сите

Ана Ололовска

Во Италија намалена брзината на ширење на коронавирусот

Ана Ололовска