Анкета: Повеќето Европејци сакаат пратениците да бидат заменети со вештачка интелигенција

Од:

Повеќето Европејци би сакале некои членови на парламентите во одделни земји да бидат заменети со вештачка интелигенција (ВИ).

Истражувачи од Центарот за управување со промени при приватниот шпански универзитет, Универзитет ИЕ (IE University), анкетирале 2.769 лица од 11 земји низ целиот свет, прашувајќи ги како би се чувствувале за намалувањето на бројот на членови во националните парламенти на нивните земји, давајќи им ги овие места на вештачката интелигенција кои ќе имаат пристап до нивните податоци.

Резултатите, објавени денеска, покажуваат дека и покрај јасните и очевидни ограничувања на ВИ, 51 отсто од Европејците одговориле дека се за таков потег.

Оскар Џонсон, академски директор во Центарот за управување со промени на Универзитетот ИЕ и еден од водечките истражувачи, за телевизијата Си Ен Би Си изјави дека речиси „една деценија се забележува намалување на довербата во демократијата како форма на владеење“.

– Причините се најверојатно поврзани со зголемената политичка поларизација, филтер-балоните и расцепканоста на информациите, истакна Џонсон.

Анкетата покажа дека идејата е особено популарна во Шпанија – 66 отсто од испитаниците ја поддржуваат. Во Италија, 59 отсто од испитаниците биле „за“ таа идеја, а во Естонија – 56 отсто.

Во Велика Британија, дури 69 отсто од анкетораните се изјасниле против идејата, додека 56 отсто биле против во Холандија и 54 отсто во Германија. Надвор од Европа, околу 75 отсто од испитаниците во Кина ја поддржаа идејата за замена на парламентарците со вештачка интелигенција, додека 60 отсто од американските испитаници не се согласуваат со тоа.

Мислењата, исто така, драстично се разликуваат зависно од возраста – над 60 отсто од Европејците на возраст од 25-34 години и 56 отсто од оние на возраст од 34-44 години ја поддржаа идејата, додека мнозинството од испитаниците постари од 55 години не сметаат дека тоа е добра идеја.

Би можело да ве интересира

ЕК започнува кампања за здрав живот за сите

Ана Ололовска

Евробарометар: Европејците веруваат во позитивното влијание на науката

Ана Ололовска

Европски суд на ревизори: Неефикасниот „систем на ЕУ за депортирање мигранти“ ја охрабрува илегалната миграција

Ана Ололовска

Прогресивните градоначалници oд Источна и Централна Европа како предизвик за конзервативните влади

Ана Ололовска

Афрички бран со пеколни температури се движи кон Европа, во Италија измерени речиси 50 степени

А1он

Пандемијата значително го намали работното време во ЕУ

Ана Ололовска